Дукха ха йоацаш Г1алг1ай паччахьалкхен университете д1айихьача «Битва умов» яхача яхьарашка дакъа лаца аьттув хилар тайп-тайпарча колледжешкара дешархой. Х1ара 1илма довзаргахь дола хаттараш дар доакъашхошта кийчдаьраш. Атта да ала атта дацар, ховчоа, довзачоа хала, а дацар!
Кхаь дакъа йийкъа яр программа: хьалхарча шин юкъа хьалхбаьннараш кхоалаг1ча даькъе юкъе болхар. Духхьал уйла сихаг1а йир мара кхы дашхаргахь совлен низ бе безаш дацар доакъашхошта тийна хаттараш. Укх шера цу яхье котало яьккхар «Колледж сервиса и быта» яхача колледжера баьхкача студенташа. Цар кийчо яьлга а, уж дешаргахь дика кхеташ болга гуш дар. Шоайла кхы саг хьалха ца валийта лаьрх1ар цар укх шера, духхьал хьалхара моттиг яккха уйла-нигат долаш. Заьзганаькъан Залина, Оздой Залина, Евлоей Ева, Ведажнаькъан Лилия, Г1апаркхой Тухан – уж бар «КСиБ» аьнна тоаба в1ашаг1ъеллараш. Х1аьта шоаш белгалъяьккха ц1и шоай боча хиларга хьежжа, уж хьажар цу ц1ера сий лакхде.
Доккхача совг1аташца безбир уж в1ашаг1кхетара хьалхлаттараша! Дешархой раьза бар шоай дакъалаца а, толам баккха, а аьттув баьнна.